სრული დომინაცია, მაგრამ მოსაწყენი ბრძოლა - ოლივეირამ ჰოლოუეი დაამარცხა

ლას-ვეგასი — 36 წლის ჩარლზ ოლივეირამ UFC 326-ზე შესანიშნავი გამოსვლა აჩვენა და გულშემატკივრები გააოცა. ბრაზილიელმა მებრძოლმა ფავორიტად მიჩნეული მაქს ჰოლოუეი მსაჯების ერთსულოვანი გადაწყვეტილებით დაამარცხა (50-45) და BMF-ის ქამარი მოიპოვა.

ოლივეირა ბრძოლას სრულად აკონტროლებდა. მსუბუქი წონის დაპირისპირებაში ბრაზილიელმა ჯამში 20 წუთი და 49 წამი გაატარა კონტროლის პოზიციაში და 13 მცდელობიდან 5 თეიქდაუნი წარმატებით შეასრულა.

ჩარლზის ტაქტიკამ ტრიბუნაზე გარკვეული უკმაყოფილება გამოიწვია, რადგან ბევრი გულშემატკივარი უფრო სანახაობრივ, BMF-ის სტილის გაცვლა-გამოცვლას ელოდა. თუმცა ბრაზილიელმა ჯიუ-ჯიცუს სპეციალისტმა ჰოლოუეიზე მეტი და უფრო ზუსტი დარტყმებიც მიაყენა, რაც მის დომინაციას კიდევ უფრო უსვამდა ხაზს.

ეს გამარჯვება ოლივეირასთვის სიმბოლური აღმოჩნდა. 2015 წელს ის სწორედ ჰოლოუეისთან დამარცხდა, როდესაც პირველივე რაუნდში თეიქდაუნის მცდელობისას მხრისა და საყლაპავის ტრავმა მიიღო და ბრძოლა ვეღარ გააგრძელა. ახლა კი ბრაზილიელი UFC-ის ისტორიაში მეოთხე BMF ჩემპიონი გახდა. ის ამ ტიტულის მფლობელთა სიაში მაქს ჰოლოუეის, ჯასტინ გეიჯისა და ხორხე მასვიდალს შეუერთდა.