ანტალიის ჩელენჯერი | გორგოძე მეოთხედფინალში გავიდა
ეკო გორგოძემ ანტალიის 125-ქულიანი ტურნირის მერვედფინალში მსოფლიოს 260-ე ჩოგანს, ფრანგ სელენა იანიჩიევიჩს მოუგო და მეოთხედფინალში გავიდა.
პირველი სეტი გორგოძემ კარგად დაიწყო და 4:0 დაწინაურდა, თუმცა შემდეგ თავის ჩაწოდებაზე გეიმი დათმო, მაგრამ სეტის გამარჯვებამდე მიყვანა მაინც შეძლო - 6:3.
მეორე სეტში 2:2-ზე გორგოძემ იანიჩიევიჩის ჩაწოდებაზე გეიმი აიღო, დაწინაურდა და საქმე ლოგიკურ დასასრულამდე მიიყვანა - 6:3.
მეოთხედფინალში ქართველი ჩოგბურთელის მეტოქე ანჰელინა კალინინასა და კატარინა ზავაცკას შორის გამარჯვებული იქნება - ორივე ჩოგბურთელი უკრაინას წარმოადგენს.
