მარცხი პირველ წრეში | ბასილაშვილი მონპელიეს ტურნირს გამოეთიშა
ქართველი ჩოგბურთელი ნიკოლოზ ბასილაშვილი მონპელიეს ტურნირს გამოეთიშა. 250-ქულიანი ტურნირის პირველ წრეში ბასილაშვილის მეტოქე მსოფლიოს 106-ე ჩოგანი, იტალიელი ლუკა ნარდი იყო.
პირველი სეტი თანაბარ ბრძოლაში მიმდინარეობდა, თუმცა ბასილაშვილმა საკუთარ ჩაწოდებაზე ჯერ მეშვიდე, შემდეგ კი მეცხრე გეიმი დათმო და პირველ სეტში 3:6 დამარცხდა.
მეორე სეტი ანალოგიური სცენარით განვითარდა: აქაც ნარდი 4:3-ს იგებდა, შემდეგ კი ბასილაშვილმა საკუთარ ჩაწოდებაზე დათმო გეიმი და მეორე სეტიც 3:6 წააგო.
ლუკა ნარდი მომდევნო წრეში თავის თანამემამულე ფლავიო კობოლის შეხვდება.
