დონჩიჩი ტრავმირებულია - ლეიკერსი გამოკვლევების პასუხს ელოდება
ლუკა დონჩიჩი ტრავმირებულია - „ლოს ანჯელეს ლეიკერსის“ სლოვენიელმა ვარსკვლავმა „ოკლაჰომასთან“ (96:139) წაგებულ მატჩში ბარძაყის უკანა კუნთის ტრავმა მიიღო.
„ლეიკერსის“ გამთამაშებელმა დაზიანება მეორე მეოთხედში მიიღო, თუმცა პარკეტზე მაინც დარჩა, შემდეგ კი, მესამე მეოთხედში ტრავმა გაუმწვავდა.
Luka Doncic went back to the locker room after going down on this play.
— ClutchPoints (@ClutchPoints) April 3, 2026
The Lakers were down 32 points at the time.
Hope he’s okay ???? pic.twitter.com/7jqzU8cuOz
ESPN-ის ინფორმაციით, დღეს სლოვენიელს მაგნიტურ-რეზონანსული ტომოგრაფია ჩაუტარდება, რის შემდეგაც ტრავმის სიმძიმე გახდება ცნობილი.
შეგახსენებთ, რომ ლუკა MVP-ის ჯილდოს მოგების ერთ-ერთი პრეტენდენტია. ის საშუალოდ მატჩში 33.5 ქულას, 7.7 მოხსნას და 8.3 შედეგიან გადაცემას აგროვებს.
აქვე გეტყვით, რომ რეგულარულ სეზონში „ლეიკერსს“ 5 მატჩი აქვს ჩასატარებელი: შინ „ოკლაჰომასთან“, „ფინიქსთან“ და „იუტასთან“, გასვლაზე კი - „დალასთან“ და „გოლდენ სტეიტთან“.
