ოჯახური ძალადობის ბრალდება - თოფურიას სასამართლო ჩაინიშნა

UFC-ის მსუბუქი წონის ჩემპიონი ილია თოფურია, ოჯახში ძალადობის საქმეზე სასამართლოს წინაშე წარდგება. ამის შესახებ გამოცემა El Mundo იტყობინება.

თოფურიას მეუღლემ, ჯორჯინა ბადელმა, მას ბრალი დასდო „ოჯახურ და გენდერულ ძალადობაში“, ასევე „სხეულის დაზიანებების მიყენებაში“.

როგორც მოგეხსენებათ, თოფურიამ მანამდე განაცხადა, რომ ოჯახური გარემოებების გამო UFC-ში გამოსვლა დროებით შეაჩერა.

ბოლო ერთი თვის განმავლობაში ილიასთვის ყველაფერი იდეალურად აღარ მიმდინარეობს. ქართველი მებრძოლის იმიჯი პირველად მოექცა დარტყმის ქვეშ. როგორც LOC-სთვის გახდა ცნობილი, მომავალ ოთხშაბათს, 7 იანვარს, თოფურია ჩვენების მისაცემად მოსტოლესის ქალთა მიმართ ძალადობის ნომერ პირველ სასამართლოშია გამოძახებული.

მიზეზი, რის გამოც ეს მოსმენა გენდერული ძალადობის სპეციალიზებულ სასამართლოში იმართება, არის მისი ყოფილი პარტნიორის მიერ შეტანილი სარჩელი შესაძლო სასტიკი მოპყრობის შესახებ.

LOC-ის მიერ მოპოვებული ანგარიშის თანახმად, 7 იანვრის სასამართლო გამოძახება მიზნად ისახავს არა ამ ბრალდებების ვალიდურობის შეფასებას ან დეტალური ფაქტების გადამოწმებას (რაზეც ხელი არც ამ და არც სხვა მედიასაშუალებებს ჯერ არ მიუწვდებათ), არამედ „მშობლის უფლებამოსილების არასათანადო გამოყენებასთან ან ქონების მართვასთან დაკავშირებული დამცავი ზომების“ გადაწყვეტას. სხვა სიტყვებით რომ ვთქვათ, უნდა გადაწყდეს მისი წელიწადნახევრის ქალიშვილის ბედი, რომელიც ამჟამად დედასთან იმყოფება და რომელიც ითხოვს ნებართვას, რომ ბავშვთან ერთად ამერიკის შეერთებულ შტატებში გაემგზავროს.

თოფურია და ჯორჯინა ამჟამად სამოქალაქო განქორწინების პროცესში იმყოფებიან.