ლელო ყოფილ გუნდთან - ნინიაშვილმა ლიონთან გაიბრწყინა
საფრანგეთის ტოპ 14-ში დავით ნინიაშვილი ყოფილ კლუბს ლიონს დაუპირისპირდა. ლა როშელმა 36:19 გაიმარჯვა, ხოლო ქართველმა მორაგბემ მე-18 წუთზე ლელო დადო.
აღსანიშნავია, რომ ნინიაშვილმა ყოფილი კლუბის წინააღმდეგ გატანილი ლელო არ აღნიშნა და გულშემატკივრების კიდევ უფრო დიდი პატივისცემა დაიმახსოვრა.
შეგახსენებთ, რომ დავითს მიმდინარე სეზონში 3 ლელო დაუგროვდა. მან ლიონის გარდა თავი კლერმონთან და მონტობანთან გამოიჩინა.
ამ გამარჯვების შემდეგ, ლა როშელს სატურნირო ცხრილში 20 ქულა დაუგროვდა და მე-7 პოზიციას იკავებს. შემდეგ ტურში, ნინიაშვილის გუნდი რასინგს დაუპირისპირდება.
