თოფურია VS პიმბლეტი გადაწყდა? რას წერენ უცხოურ მედიაში
UFC-ის მსუბუქი წონითი დივიზიონის ჩემპიონი ილია თოფურია ტიტულს, დიდი ალბათობით, პედი პიმბლეტის წინააღმდეგ დაიცავს.
ამის შესახებ ინფორმაციას რამდენიმე უცხოური ავტორიტეტული გამოცემა ავრცელებს. მათივე მტკიცებით, ქართველისა და ბრიტანელი მებრძოლების დაპირისპირება 2026 წლის 10 იანვარს, UFC 324-ზე, ლოს-ანჯელესში ჩატარდება.
???? BREAKING: Ilia Topuria vs. Paddy Pimblett is official for UFC 324 this January, live from Los Angeles, California!
— Cageside Access (@CagesideAccess) October 19, 2025
Originally, the UFC had plans to grant Justin Gaethje the next lightweight title shot. However, in a strategic move to maximize viewership for their Paramount+… pic.twitter.com/pnW75dUbUi
პედი პიმბლეტი ამ დროისთვის მსუბუქი წონითი დივიზიონის რეიტინგში მე-6 პოზიციაზე იმყოფება. „ბედიმ“ ბოლოს მიმდინარე წლის აპრილში, მაიკლ ჩენდლერის წინააღმდეგ იჩხუბა და მესამე რაუნდში ტექნიკური ნოკაუტით დაამარცხა.
თავის მხრივ, ილია თოფურია მსუბუქ წონაში ქამარს პირველად დაიცავს. „მატადორი“ ჩემპიონი 29 ივნისს გახდა, როდესაც ჩარლზ ოლივეირა პირველივე რაუნდში ნოკაუტით დაამარცხა. ამის შემდეგ, თოფურია ოქტაგონში არ გამოჩენილა.
საგულისხმოა, რომ ორივე მებრძოლი UFC-ში ამ დრომდე დაუმარცხებელია. ილია თოფურიამ MMA-ში ჩატარებული 17 ბრძოლიდან ყველა მათგანი მოიგო, მათ შორის 9 UFC-ში. პიმბლეტმა კი უმაღლეს საბრძოლო ლიგაში ჩატარებული 7 ბრძოლიდან შვიდივე გამარჯვებით დაასრულა, თუმცა, მანამდე სხვა ორგანიზაციებში 3-ჯერ დამარცხდა.
