როდის დაბრუნდება ალისონი | ახალი ინფორმაცია ბრაზილიელის ტრავმაზე
ჩემპიონთა ლიგის ლიგის ფაზის მეორე ტურში „ლივერპული“ „გალათასარაის“ დაუპირისპირდა და 0:1 დამარცხდა. „წითლების“ ძირითადმა მეკარემ, ალისონ ბეკერმა თურქებთან მატჩში ტრავმა მიიღო და მის ნაცვლად მოედანზე გიორგი მამარდაშვილი გამოჩნდა.
ავტორიტეტულმა ინგლისურმა გამოცემამ, The Athletics-მა ალისონის ჯანმრთელობის მდგომარეობასთან დაკავშირებით ახალი ინფორმაცია გაავრცელა. 33 წლის მეკარემ ბარძაყის უკანა კუნთი დაიზიანა და დღეს, გამოკვლევები ჩაუტარდა. დევიდ ორნშტაინის მიხედვით, ალისონი „ლივერპულს“ ნოემბრის სანაკრებო პაუზის შემდეგ დაუბრუნდება.
???? Alisson likely to return for Liverpool after November international break following hamstring injury. 33yo had scan today & set to spend ~6wks out - could see Brazil int’l miss #CFC #MUFC #RMFC #MCFC. #LFC yet to confirm. W/ @greggevans40 @TheAthleticFC https://t.co/BBy91Tpqg3
— David Ornstein (@David_Ornstein) October 2, 2025
ალისონი 6 კვირას გამოტოვებს და არაა გამოიცხული, ბრაზილიის ნაკრების შეხვედრებშიც ვერ მიიღოს მონაწილეობა. ნოემბრის სანაკრებო პაუზა 8 ნოემბერს იწყება და 16-ში სრულდება. ალისონის არყოფნაში, „მამარდას“ თავის გამოჩენის ძალიან კარგი შანსი ექნება.
შეგახსენებთ, რომ „ლივერპულმა“ ბოლო ორი შეხვედრა წააგო. „წითლები“ ჯერ პრემიერ ლიგაში, „კრისტალ პალასთან“ დამარცხდნენ, შემდეგ ჩემპიონთა ლიგაზე - „გალათასარაისთან“. მათი მომდევნო გაჩერება „სტემფორდ ბრიჯია“ და „ლივერპული“ „ჩელსის“ 4 ოქტომბერს დაუპირისპირდება.
