ხაბიბს ინტერვიუების მიცემა აღარ უნდოდა | ლეგენდარული მწვრთნელის სასაცილო რჩევა არწივს
MMA-ის ლეგენდარულმა მწვრთნელმა, ხავიერ მენდესმა, ხაბიბ ნურმაგომედოვთან დაკავშირებული სახალისო ისტორია გაიხსენა და მათი დიალოგი ჟურნალისტებს გაუზიარა.
„2017 წელს, სანამ ხაბიბი UFC-ის ჩემპიონი გახდებოდა, მასთან ბევრი ჟურნალისტი მოდიოდა და უამრავი ინტერვიუს მიცემა უწევდა, რითაც ძალიან დაიღალა. ერთხელ ჩემთან მოვიდა და მეუბნება: „მწვრთნელო, ამ ინტერვიუებით ძალიან დავიღალე. კიდევ ერთი მაქვს მისაცემი და უნდა წავიდე.“
ვკითხე: „გინდა, აღარ ჩაწერო?“ — დადებითი პასუხი რომ მივიღე, ვუთხარი: „ყველაფერი ძალიან მარტივია: შემდეგი ორთაბრძოლა წააგე და საერთოდ არავის ემახსოვრები.“ ამის შემდეგ ხაბიბს ჩემთან ინტერვიუებზე არც ერთხელ დაუწუწუნია,“ — აღნიშნა მენდესმა.
სხვათა შორის, ლეგენდარულმა მწვრთნელმა კიდევ ერთი საინტერესო ამბავი გაასაჯაროვა: მისი თქმით, „არწივს“ ფლოიდ მეივეზერთან ჩხუბის შანსიც ჰქონდა. ნურმაგომედოვს სოლიდური თანხა შესთავაზეს, რათა კრივში „მანის“ წინააღმდეგ ებრძოლა, თუმცა ხაბიბმა კატეგორიული უარი განაცხადა.
