ნიკა კვეკვესკირმა საფეხბურთო კარიერა დაასრულა

ნიკა კვეკვესკირმა საფეხბურთო კარიერა დაასრულა. ამის შესახებ 33 წლის ქართველმა ნახევარმცველმა თავად განაცხადა. 

„საფეხბურთო კარიერის დასრულების გადაწყვეტილება მივიღე. მინდოდა რომ ეს ჩემგან გაჟღერებულიყო. მადლობა თანაგუნდელებს, მწვრთნელებს და ყველას, ვისთან ერთადაც მიმუშავია. მადლობა ფეხბურთის ფედერაციას და ყველა თანამშრომელს. დიდი პატივი იყო რომ საქართველოს ნაკრების მაისური 60-ზე მეტ შეხვედრაში მეტარებინა. გადაწყვეტილება რთული იყო, მაგრამ დგება მომენტი, როცა ცხოვრებაში ახალი ფურცელი იშლება. ჩემი წარმატების მიზეზი თქვენც ხართ- ჟურნალისტები. დარწმუნებული ვარ, წინ დიდი წარმატებები ელოდება საქართველოს ნაკრებს.

ვილი სანიოლი:

„კვეკვესკირი ჩვენს სამწვრთნელო შტაბში იქნება. ეს ჩვენთვის ძალიან სასიხარულოა“. 

ალექსანდრე იაშვილი:

„კვეკვე მოედანზე და მოედნის გარეთ, ყოველთვის სამაგალითო იყო. ნაკრების წარმატებაში მისი როლი ძალიან დიდია. ნიკა ნაკრების ისტორიაში ყველაზე მნიშვნელოვანი გოლოს ავტორი გახდა“.

შეგახსენებთ, რომ კვეკვესკირმა ეროვნული ნაკრების შემადგენლობაში 62 მატჩი ჩაატარა.