„ჩაკვეს გარეშე წარმატების მიღწევა შეგვიძლია“ - სანიოლის პრესკონფერენცია

საქართველოს ეროვნული ნაკრების მთავარმა მწვრთნელმა ვილი სანიოლმა მოახლოებულ სანაკრებო მატჩებთან დაკავშირებით სასტუმრო პარაგრაფ თბილისში პრესკონფერენცია გამართა.

ფრანგ სპეციალისტთან ერთად, პრესკონფერენციაზე სფფ-ის ვიცე-პრეზიდენტი ალექსანდრე იაშვილი იმყოფებოდა.

ვილი სანიოლი:

„შედეგზე მნიშველოვანია, თუ როგორ შევასრულებთ დასახულ მოზნებს. ვფიქრობთ, გვაქვს პოტენციალი, რომ დასახულ მიზანს მივაღწიოთ. ჩვენს გუნდში წარმატების პოტენციალი ნამდვილად არის“.

„ჩვენ უნდა გადავწყვიტოთ, ამ ორ თამაშს როგორ მივუდგეთ და შემდეგ გავავწყვეტთ, დაცვაში როგორ ვითამაშებთ, რამდენი მცველით. ნებისმიერ შემთხვევაში, ჩვენ გვაქვს შედეგის მიღწევის პოტენციალი“.

„ყოველთვის ვცდილობ, ახალგაზრდა ფეხბურთელების ნაკრებში ინტეგრაციას. ლომინაძე დიდი ხანია ნაკრების კანდიდატია და გარკვეული მიზეზების გამო, მხოლოდ ახლა გამოვიძახე. სხვა კანდიდატებიც იყვნენ, მაგალითად კვერნაძე, მაგრამ ამ ეტაპზე შანსის მიცემა აბუაშვილისთვის გადავწყვიტეთ. ნაკრების კარი ყველასთვის ღიაა, ვინც ამას იმსახურებს. თაობათა ცვლა მიდის და ნაკრების გადახალისება ბუნებრივი პროცესია“.

„ნაკრების მეკარეები მამარდაშვილი და გუგეშაშვილი თავიანთ კლუბებში სკამზე სხედან და ამით ბედნიერი არ ვარ. მართალია მეკარეებს ინტენსიურობა იმდენად არ სჭირდებათ, რამდენადაც მინდვრის მოთამაშეებს, თუმცა თუ ასე გაგრძელდა, მომავალში აუცილებლად პრობლემა იქნება. ჩაკვეტაძე აპრილიდან მოყოლებული ვერ გვეხმარება, მაგრამ ამ ვითარებაზე კონტროლი არ მაქვს. ჩაკვეტაძის გარეშე წარმატებას უნდა მივაღწიოთ, ჩვენ ეს შეგვიძლია“.

საქართველოს ნაკრების სიაში ორი დებიუტანტია: გიორგი აბუაშვილი (მეცი) და ნოდარ ლომინაძე (ეშტორილი).

ქართველი ფეხბურთელები შეკრებას პირველ სექტემბერს დაიწყებენ. მსოფლიო ჩემპიონატის საკვალიფიკაციო ეტაპზე საქართველოს ეროვნული ნაკრები მიმდინარე თვეში ორ მატჩს გამართავს თურქეთთან (დინამო არენა, 20:00) და ბულგარეთთან (17:00).