ყოფილ კლუბს დაუბრუნდა | გველესიანი კვლავ ირანში ითამაშებს
საქართველოს ეროვნული ნაკრების ფეხბურთელი გიორგი გველესიანი კარიერას ირანულ „სეპაანში'' გააგრძელებს. ინფორმაცია კლუბმა ოფიციალურად დაადასტურა.
34 წლის ცენტრალური მცველი „სეპაანში’’ 2019-22 წლებში თამაშობდა. 2020-21 წლების სეზონში „სეპაანთან’’ ერთად ირანის ჩემპიონატში მეორე ადგილი დაიკავა.
„სეპაანის’’ მთავარი მწვრთნელია მოჰარამ ნავიდკია, რომელიც გველესიანთან ერთად „სეპაანში’’ 2020-22 წლებში მუშაობდა. მოკლედ, ფეხბურთელი მისთვის კარგად ნაცნობ გარემოში დაბრუნდა. გასული სეზონის შემდეგ გამოცდილმა ფეხბურთელმა „პერსეპოლისი'' დატოვა და ახალ კლუბს თავისუფალი აგენტის სტატუსით შეუერთდა.
გიორგი გველესიანმა საქართველოს ეროვნულ ნაკრებში 10 მატჩი ჩაატარა, ევრო 2024-ზე ითამაშა, რაც მის კარიერაში განსაკუთრებული მომენტი იყო.
