სუდაკოვი ბენფიკაში გადადის
დონეცკის „შახტარის“ ნახევარმცველი, გეორგი სუდაკოვი ლისაბონის „ბენფიკაში“ გადადის.
ცნობილი ინსაიდერის, ფაბრიციო რომანოს ინფორმაციით, მხარეები 22 წლის ფეხბურთელის ტრანსფერზე უკვე შეთანხმდნენ.
მისივე ცნობით, გარიგების ღირებულება 27 მილიონ ევროს შეადგენს, 5 მილიონი ევრო კი ბონუსების სახით არის გათვალისწინებული.
გეორგი „შახტარში“ 2021 წლიდან თამაშობს. გასულ სეზონში მან 37 მატჩი ჩაატარა, 15 გოლი გაიტანა და 6 ასისტი მიითვალა. Transfermarkt-ზე სუდაკოვის საბაზრო ღირებულება 32 მილიონ ევროს შეადგენს.
