4 ქართველი კონფერენს ლიგაზე, 1 კი ევროპა ლიგაზე ითამაშებს

ევროპა ლიგასა და კონფერენს ლიგაზე პლეი-ოფების საპასუხო მატჩები გაიმართა. ჩვენს ინტერესს ქართველი ლეგიონერების კლუბების გამოსვლა იწვევდა.

ევროპა ლიგაზე გურამ კაშიას „სლოვანმა“ „იანგ ბოიზთან“ სტუმრადაც წააგო (2:3) და ორი მატჩის ჯამში 2:4 დამარცხდა. შედეგად ბრატისლაველები ასპარეზოზბას კონფერენს ლიგაზე განაგრძობენ.

რაც შეეხება გურამ კაშიას, ამჯერადაც სასტარტოში იყო და ისევე როგორც პირველ მატჩში, ახლაც მეორე ტაიმის სტარტზე (56-ე წუთზე) შეცვალეს.

ლუკა გუგეშაშვილის „პაოკმა“ ხორვატიაში „რიეკასთან“ 0:1 დამარცხების შემდეგ, საკუთარ მოედანზე 5:0-ის მოგება შეძლო და ევროპა ლიგის ჯგუფურ ეტაპზე თამაშის უფლება მოიპოვა. ქართველი მეკარე ამჯერადაც თადარიგში იმყოფებოდა.

რაც შეეხება კონფერენს ლიგაზე მყოფ ქართველ ლეგიონერებს, ლაშა ოდიშარიას რფს ორი მატჩის ჯამში „ჰამრუნთან“ 2:3 დამარცხდა და ევროტურნირების გარეშე დარჩა.

როგორც დღეს გახდა ცნობილი, ოდიშარია სავარაუდოდ კარიერას ლა ლიგა 2-ის ხიხონის „სპორტინგში“ გააგრძელებს.

ანზორ მექვაბიშვილის რუმინულმა „კრაიოვამ“ თურქულ „ბასაქშეჰირს“ საკუთარ მოედანზეც მოუგო - სტუმრად 2:1, შინ 3:1 და კონფერენს ლიგის ჯგუფურ ეტაპზე ითამაშებენ.

მექვაბიშვილი მოედანზე 77-ე წუთზე გამოჩნდა და შეხვედრაში კარგადაც ჩაერთო. საბოლოოდ მან შეფასების სახით 7.7 მიიღო.

ირაკლი აზაროვის დონეცკის „შახტარმა“ თურქეთში „სერვეტთან“ პირველი მატჩის მსგავსად ამჯერადაც 1:1 ითამაშა და შეხვედრა დამატებით დროში გადავიდა.

აზაროვი მოედანზე მე-100 წუთზე გამოჩნდა და შეხვედრაში აქტიურად ჩაერთო. გამარჯვების მომტანი გოლი ბრაზილიელმა ლეგიონერმა კაუნა ელიასმა გაიტანა.