გარნაჩო ჩელსიში გადადის

ალეხანდრო გარნაჩო „მანჩესტერ იუნაიტედიდან“ „ჩელსიში“ გადადის. ამის შესახებ ფაბრიციო რომანო წერს. 

ცნობილი ინსაიდერის ინფორმაციით, მხარეები გარიგებაზე უკვე შეთანხმდნენ. 

როგორც ჟურნალისტი,  ბენ ჯეიკობსი წერს, „არისტოკრატები“ „წითელ ეშმაკებს“ 21 წლის ვინგერის სანაცვლოდ, 40 მილიონ გირვანქა სტერლინგს გადაუხდიან.

თუ ტრანსფერი განხორციელდება, ეს ერთ-ერთი ყველაზე ძვირადღირებული გარიგება გახდება „მანჩესტერ იუნაიტედის“ ისტორიაში. უფრო ძვირად ინგლისურმა კლუბმა მხოლოდ კრიშტიანუ რონალდუ, რომელუ ლუკაკუ და ანხელ დი მარია გაყიდა. 

შეგახსენებთ, რომ გარნაჩო „მანჩესტერ იუნაუტედის“ ღირსებას 2022 წლიდან იცავს. გასულ სეზონში მან 50 მატჩი ჩაატარა, 10 გოლი გაიტანა და 7 ასისტი მიითვალა. Transfermarkt-ზე მისი საბაზრო ღირებულება 45 მილიონი ევროა.