კაიშვილი 17-წლამდე ნაკრებში მიიწვიეს | მძიმე ტრავმების შემდეგ ბრუნდება

საქართველოს 17-წლამდე ნაკრებში მიუნხენის „ბაიერნის’’ საკუთრებაში მყოფი ჯამალ კაიშვილი გამოიძახეს. კრისტალსპორტის ცნობით, პირველ სექტემბერს ასაკობრივი ნაკრების შეკრებაზე გაემგზავრება. 17 წლის შემტევს ჯერ ქართული პასპორტი არ აქვს, თუმცა ამ საკითხზე მუშაობა მიმდინარეობს.

გასულ ზაფხულში ჯამალმა „ბაიერნთან’’ ახალი კონტრაქტი 2027 წლამდე გაახანგრძლივა და კლუბმა ერთი სეზონით რანგით მე-5 ლიგის „ტურკგიუჯუ მიუნხენში’’ გაანათხოვრა. ფეხბურთელის სურვილია ხშირად ითამაშოს და ის ფსიქოლოგიური თავდაჯერება დაიბრუნოს, რაც ტრავმების მიღებამდე ჰქონდა. ჯამალს ტრავმების გამო დაახლოებით 1 წელი გაუცდა, ჯერ ფიბულას მოტეხილობა დაუდგინდა, შემდეგ კი პუბისის ძვლის ანთება ჰქონდა. საკმაოდ რთული პერიოდი გაიარა, ახლა ყველაფერი კარგადაა, ტრავმები სრულად მოირჩინა, თამაშისთვის მზადაა.

კრისტალსპორტმა 2023 წლის ზაფხულში გაცნობათ, რომ ჯამალმა საქართველოს ნაკრებში თამაში გადაწყვიტა. ამავე წლის დეკემბერში ჯამალის შესახებ ვრცელი სტატია დავწერე, რომელიც შეგიძლიათ იხილოთ: 

თავშესაფრიდან ბაიერნამდე - ჯამალ კაიშვილის შთამაგონებელი ისტორია