მარკო ბელინელიმ "ატლანტა" დატოვა
„ატლანტა ჰოუქსმა“ მარკო ბელინელის კონტრაქტი გამოისყიდა და იტალიელი უკანახაზელი თავისუფალი აგენტის სტატუსით გაუშვა გუნდიდან. სატრანსფერო პერიოდში ჯორჯიელები აქტიურად ცდილობდნენ ბელინელის გაცვლას, თუმცა სასურველი შეთავაზება ვერ მიიღეს და გუნდის გაახალგაზრდავების მიზნით იძულებული გახდნენ იტალიელი უკანახაზელის კონტრაქტი გამოესყიდათ.
გავრცელებული ინფორმაციით ბელინელი „ფილადელფიაში“ გააგრძელებს კარიერას, შეგახსენებთ, რომ იტალიელი უკანახაზელი წლევანდელ სეზონში საშუალოდ 11.4 ქულას აგროვებდა.
