გეიჯი კარიერის დასრულებას აპირებს, თუ სატიტულო ჩხუბს არ მიიღებს

ცნობილმა სპორტულმა მენეჯერმა, ალი აბდელ-აზიზმა, ჯასტინ გეიჯზე ილაპარაკა.

მისი თქმით, UFC-ის ამერიკელი მებრძოლი ორგანიზაციაში მისი მდგომარეობით უკმაყოფილოა და შესაძლოა კარიერაც კი დაასრულოს.

„ჯასტინმა მითხრა, რომ თუ ის სატიტულო ბრძოლას არ მიიღებს, უბრალოდ კარიერას დაასრულებს. მან ასე ამიხსნა: „ვგრძნობ, რომ პატივს არ მცემენ. მე მომწონს, რომ UFC-ს მებრძოლი ვარ, მიყვარს ეს პრომოუშენი, მაგრამ მინდა, რომ ეს ორმხრივი იყოს“, - თქვა აბდელ-აზიზმა.

ცნობისთვის, გეიჯი მსუბუქი წონის ყოფილი დროებითი ჩემპიონია. მას MMA-ში 26 მოგება და 5 მარცხი აქვს.

მან ბოლოს მარტში იჩხუბა და მსაჯების ერთსულოვანი გადაწყვეტილებით, აზერბაიჯანელი რაფაელ ფიზიევი დაამარცხა.