ომალისა და დვალიშვილის ფეისოფი | რა უთხრა შუგამ მანქანას
მერაბ დვალიშვილი მომდევნო ორთაბრძოლას შონ ომალის წინააღმდეგ გამართავს. „მანქანა“ და „შუგა“ ერთმანეთს UFC 316-ზე დაუპირისპირდებიან და მათი საჩემპიონო ჩხუბი ღონისძიების მთავარი მოვლენა იქნება.
რამდენიმე საათის წინ, UFC 316-ის პრესკონფერენცია გაიმართა, რომლის შემდეგაც, მებრძოლების ფეისოფები ვიხილეთ. მზერათა დუელი დვალიშვილმა და ომალიმაც გამართეს და „შუგამ“ ქართველ მებრძოლს მიმართა.
DVALISHVILI vs O’MALLEY 2! #UFC316 is LIVE SATURDAY on @ESPNPlus PPV! pic.twitter.com/L8xUvMSkcN
— danawhite (@danawhite) June 5, 2025
„ამჯერად განსხვავებული ჩხუბი იქნება და შენ ეს იცი“, - თქვა ომალიმ.
„ვიცი და მზად ვარ“, - უპასუხა დვალიშვილმა.
შეგახსენებთ, რომ დვალიშვილისა და ომალის ჩხუბი UFC 316-ის მთავარი მოვლენა იქნება. ბუკმეკერების აზრით, „მანქანა“ ფავორიტია და მერაბს საჩემპიონო ქამრის შენარჩუნების კარგი შანსი აქვს.
