კვიპროსში ბრუნდება | ინჯგია ბათუმის დინამოს ტოვებს
ბათუმის „დინამოს“ შემტევი რევაზ ინჯგია კარიერას კვიპროსში, ნიქოზიის „ოლიმპიაკოსში“ გააგრძელებს. ამის შესახებ კვიპროსული კლუბის ვებგვერდი იტყობინება.
„ინჯგიას კვიპროსელი გულშემატკივრები კარგად იცნობენ. მან ლიმასოლის „აპოლონთან“ ერთად 2022-23 წლების სეზონში კვიპროსის ჩემპიონატი და თასი მოიგო“, - წერს „ოლიმპიაკოსის“ ვებგვერდი.
ინჯგია „დინამოში“ შარშან „სამტრედიიდან“ გადავიდა და ბათუმელთა მაისურით 34 მატჩში 4 გოლი გაიტანა.
უახლოეს დღეებში 24 წლის ფეხბურთელი კვიპროსში ჩავა, სადაც სამედიცინო შემოწმებას გაივლის და ნიქოზიურ კლუბთან კონტრაქტს გააფორმებს.
აქვე გეტყვით, რომ სხვადასხვა დროს ინჯგიას თბილისის „ლოკომოტივში“, სერბულ „რადნიჩკიში“, „თელავში“, ლიმასოლის „აპოლონში“ და კვიპროსულ „დოქსაში“ უთამაშია.
???? Καταρχήν συμφωνία με Revaz Injgia! ????⚫
— Olympiakos Nicosia FC (@OlympiakosNic) June 2, 2025
Ο 24χρονος Γεωργιανός επιθετικός, γνωστός από τη θητεία του στον Απόλλωνα Λεμεσού, είναι έτοιμος να φορέσει την Ιστορική μαυροπράσινη!
???? Αναμένεται στην Κύπρο για ιατρικά και εργομετρικά.https://t.co/x5WLdiWezo
