სალაჰი მომდევნო სეზონს „რომას“ რიგებში გაატარებს

„რომას“ ოფიციალური ვებ-გვერდის ინფორმაციით, კლუბმა ლონდონის „ჩელსისგან“ მოჰამედ სალაჰი ერთწლიანი იჯარის წესით დაიმატა. სურვილის შემთხვევაში კი, „ჯალოროსის“ თავდამსხმელის გამოსყიდვის უფლებაც აქნება. ეგვიპტის ეროვნული ნაკრების შემტევი ახალ გუნდში 11-ნომრიანი მაისურით ითამაშებს.

გასული სეზონი აფრიკელმა მოთამაშემ “არისტოკრატების” რიგებში დაიწყო და 8 მატჩში თავი მხოლოდ ორი საგოლე გადაცემით გამოიჩინა. სეზონის მეორე ნახევარი ფეხბურთელმა „ფიორენტინას“ რიგებში გაატარა. ფლორენციური კლუბის მაისურით სალაჰმა 26 შეხვედრა გამართა, საიდანაც 9 გოლისა და 4 საგოლე გადაცემის გაკეთება მოახერხა.