ბარძაყის ტრავმა - რუდიგერი 3 თვეს იუქმებს

მადრიდის „რეალის“ მცველი ანტონიო რუდიგერი ტრავმირებულია. ამის შესახებ ინფორმაცია „ბლანკოსის“ ოფიციალურ ვებგვერდზე გამოქვეყნდა.

„ჩატარებულმა გამოკვლევამ აჩვენა, რომ რუდიგერს მარცხენა ფეხის ბარძაყის ტრავმა აქვს“, - აღნიშნულია „სამეფო კლუბის“ მიერ გავრცელებულ ინფორმაციაში.

Marca-ს ცნობით, ფეხბურთელმა დაზიანება დღევანდელ ვარჯიშზე მიიღო. გერმანელი მცველის გამოჯანმრთელების სავარაუდო ვადებზე „რეალში“ არ საუბრობენ, თუმცა ესპანური მედია წერს, რომ რუდიგერი 3 თვეს იუქმებს. 

ცნობისთვის, მადრიდის „რეალი“ ხვალ „სოსიედადს“ ესტუმრება, 16 სექტემბერს კი „სანტიაგო ბერნაბეუზე“ ჩემპიონთა ლიგის პირველ ტურში „მარსელს“ მიიღებს.