„გაგთიშავ სადაც გინდა, როცა გინდა“ | თოფურიასა და ჰოლოუეის დაპირისპირება სოც ქსელში

UFC-ის ქვემსუბუქი წონითი დივიზიონის ჩემპიონს, ილია თოფურიასა და BMF-ის საჩემპიონო ქამრის მფლობელს, მაქს ჰოლოუეის შორის სიტყვების ომი გრძელდება. „დალოცვილი“ „ელ მატადორის“ ინტერვიუს სოციალურ ქსელში გამოეხმაურა და განაცხადა, რომ თოფურია რაღაცებს იგონებს, რის შემდეგაც ილიამ მას X-ის საკუთარ გვერდზე უპასუხა.

„თარიღი აირჩიე, აირჩიე გზა, რომლითაც გინდა, რომ დაგამარცხო და ყველაფერი აქ დაწერე. მზად ვარ, გაგთიშო სადაც გინდა და როცა გინდა! დენა უაითს დაურეკე“.

Choose a date, choose the way you want me to beat you, and write it here. I am ready to turn off your lights whenever and wherever. Call Dana https://t.co/v1jjHkQsJ0

— Ilia Topuria (@Topuriailia) July 4, 2024

ილიას პოსტი ჰოლოუეის უპასუხოდ არ დაუტოვებია და განაცხადა: „ძმაო, UFC-ს ველაპარაკები. შეამოწმე, რასაც ამბობ, რადგან სფერო უკვე ახსენე. მალე გნახავ“.

ცნობისთვის, ილიას თქმით, UFC-სგან სატელეფონო ზარი მიიღო და განუცხადეს, რომ ჰოლოუეის ოჯახური პრობლემები ჰქონდა, წონის კლება უჭირდა და მსუბუქ წონით დივიზიონში უნდოდა ჩხუბი. სწორედ ესაა მიზეზები, რომელთა გამოც მათი ბრძოლა ჯერჯერობით არ ჩანიშნულა.