Le Parisien-ის გამოკითხვის შედეგები | ოქროს ბურთი კვარას უნდა მოეგო

2026 წლის „ოქროს ბურთის“ გამარჯვებული ჰარი კეინი გახდა, „პარი სენ-ჟერმენის“ ქართველმა ფეხბურთელმა, ხვიჩა კვარაცხელიამ კი მეექვსე პოზიცია დაიკავა. „კვარას“ მეექვსე ადგილი ქართული ფეხბურთისთვის სარეკორდოა, თუმცა Le Parisien-ის მკითხველებს მიაჩნიათ, რომ ის გაცილებით მაღლა უნდა ყოფილიყო.

ორი თვის წინ, ავტორიტეტულმა ფრანგულმა გამოცემამ საკუთარ მკითხველს ნომინანტები წარუდგინა და სთხოვა, მათგან ტოპ 5 შეერჩიათ. „კვარა“ საუკეთესო ხუთეულში გამოკითხულთა 53.2-მა პროცენტმა შეიყვანა, რაც უმაღლესი მაჩვენებელია და Le Parisien-ის მომხმარებელთა აზრით, „ოქროს ბურთი“ სწორედ მას უნდა მოეგო.

მეორე ადგილზე კილიან მბაპე იმყოფება, რომელიც ტოპ 5-ში 45.4-მა პროცენტმა შეიყვანა. მბაპეს შემდეგ ჰარი კეინი მოდის — 40.1%. ლამინ იამალი მეოთხე პოზიციაზეა — 37.7%, ხუთეულს კი უსმან დემბელე ასრულებს — 35.8%.

ცნობისთვის, „ოქროს ბურთის“ გამოკითხვაში ადგილები ასე განაწილდა — 1) ჰარი კეინი, 2) კილიან მბაპე, 3) ლამინ იამალი, 4) როდრი, 5) ლიონელ მესი, 6) ხვიჩა კვარაცხელია, 7) უსმან დემბელე, 8) ერლინგ ჰოლანდი, 9) მაიკლ ოლისე, 10) ფაბიან რუისი.