ცნობილია, როდის და სად იჩხუბებს რომან დოლიძე
UFC-ის საშუალო წონის ქართველი მებრძოლი რომან დოლიძე ოქტაგონს 2 ივნისს დაუბრუნდება.
ქართველ მებრძოლს ენტონი ერნანდესთან ბრძოლა ოფიციალურად ჩაენიშნა, რომელიც UFC 302-ზე, ნიუ ჯერსიში გაიმართება.
რომან დოლიძის მეტოქეს UFC-ში 5 ბრძოლა აქვს მოგებული. მისი ბოლო გამარჯვება UFC 298-ზე იყო, როცა რუსი რომან კაპილოვი მეორე რაუნდში დაახრჩო.
ქართველი მებრძოლი კი ბოლოს საფრანგეთის სახელით მოასპარეზე ნასურდინ იმავოვთან მსაჯების გადაწყვეტილებით დამარცხდა, რაც UFC-ში ზედიზედ მეორე წაგება იყო. UFC-ში მის ანგარიშზე 6 მოგება და 3 მარცხია.
აქვე გეტყვით, რომ რომან დოლიძე საშუალო წონის რეიტინგში მე-9 ადგილზე იმყოფება, ენტონი ერნანდესი კი მე-12 პოზიციას იკავებს.
