ალექსანდრე თოფურია ნოემბერში იჩხუბებს? - მზადება დაწყებულია
UFC-ის სუპერმსუბუქი წონითი დივიზიონის მებრძოლმა, ალექსანდრე თოფურიამ მომდევნო ჩხუბისთვის მომზადება დაიწყო. ამის შესახებ თოფურიების ოჯახთან დაახლოებულ წყაროზე დაყრდნობით გამოცემა Violent Rounds-ი იტყობინება.
„ელ კონკისტადორმა“ ოფიციალურად დაიწყო მოსამზადებელი ბანაკი და ოქტაგონში ნოემბერში დაბრუნდება“, - წერს გამოცემა.
ალექსანდრე თოფურიამ ბოლოს გასული წლის ნოემბერში იჩხუბა, როცა მსაჯთა ერთსულოვანი გადაწყვეტილებით ყაზახი ბეკზატ ალმახანი დაამარცხა.
თოფურიას ანგარიშზე შერეულ ორთაბრძოლებში 6 მოგება და 1 მარცხია. UFC-ში ჩატარებულ ორივე ბრძოლა მან მსაჯთა ერთსულოვანი გადაწყვეტილებებით მოიგო.
აქვე გეტყვით, რომ ჯერჯერობით უცნობია, თუ ვინ იქნება „ელ კონკისტადორის“ მომდევნო მეტოქე.
