ევლოევი თოფურიას: არ გინდა დაუმარცხებელ მებრძოლს ეჩხუბო?
ისლამ მახაჩევის შემდეგ, სოციალურ ქსელში ილია თოფურიას კიდევ ერთი რუსი მებრძოლი დაუპირისპირდა. მოვსარ ევლოევმა, რომელსაც დივიზიონში თვრამეტიდან თვრამეტივე ბრძოლა აქვს მოგებული და ყველა მსაჯების გადაწყვეტილებით, 27 წლის ქართველს მიმართა.
რა თქვა ევლოევმა
მაკგრეგორი, მახაჩევი, ნურმაგომედოვი, მეივეზერი, მუჰამედ ალი, მესი... ილია, კიდევ ვის გინდა ეჩხუბო, შენ დივიზიონში დაუმარცხებელ მებრძოლს ხომ არა?
ალექსანდრ ვოლკანოვსკის დამარცხებისა და UFC-ის ჩემპიონის ქამრის მოგების შემდეგ, თოფურიამ კონორ მაკგრეგორთან მადრიდში ჩხუბის გამართვის სურვილი გამოთქვა. მოგვიანებით კი აღნიშნა, რომ სამომავლოდ ბრძოლას ისლამ მახაჩევთანაც გამართავდა, რომელმაც თოფურიას მსგავსად, ვოლკანოვსკი ნოკაუტში გაგზავნა.
