შერმადინის 9 ქულა - ტენერიფე ბარსელონასთან განადგურდა
ესპანეთის საკალათბურთო სუპერ თასის ნახევარფინალში ლენოვო „ტენერიფე“ „ბარსელონას“ ესტუმრა და 76:108 განადგურდა.
პირველი მეოთხედი ვიდორეტას გუნდმა კარგად ითამაშა და 16:14 მოიგო, თუმცა მეორე მეოთხედში ყველაფერი შეიცვალა, „ბარსელონა“ კოლოსალურად გააქტიურდა და 40:8 მოიგო. რეალურად, კატალონიურმა კლუბმა მატჩის მოგება მეორე მეოთხედში მოახერხა.
როგორც ყოველთვის, გიორგი შერმადინი ძირითად შემადგენლობაში მოგვევლინა. ქართველმა კალათბურთელმა პარკეტზე 26 წუთი და 37 წამი დაყო.
ამ პერიოდის განმავლობაში, საქართველოს ნაკრების ერთ-ერთმა ლიდერმა 9 ქულას, 4 მოხსნას და 2 შედეგიან გადაცემას მოუყარა თავი. „ტენერიფეს“ მხრიდან ყველაზე გამორჩეული აბრომაიტისი იყო, რომელმაც არასრულ 22 წუთში 16 ქულა და 3 მოხსნა დააგროვა.
ცნობისთვის, შემდეგ მატჩს შერმადინის გუნდი უკვე შიდა ჩემპიონატში გამართავს, სადაც „გრანადას“ უმასპინძლებს. აღნიშნული დაპირისპირება 2 მარტით თარიღდება და თბილისის დროით 23:45-დან დაიწყება.
Nos despedimos de la #CopaACB, tras caer en semifinales ante un rival que ha sido superior
— Lenovo Tenerife (@CB1939Canarias) February 17, 2024
???? Gracias de corazón a nuestra afición por acompañarnos tanto aquí como desde la distancia
???????? #VamosCanarias #LenovoTenerife pic.twitter.com/5psETxK7K0
