ელ-ღაზი მაინცს უჩივლებს - კონტრაქტის შეწყვეტა პალესტინის მხარდაჭერის გამო
„მაინცის“ შემტევი ანვარ ელ-ღაზი კონტრაქტის გაწყვეტის შემდეგ გეგმავს, რომ კლუბს სასამართლოში უჩივლოს.
გერმანულმა კლუბმა ფეხბურთელს ხელშეკრულება ცალმხრივად მას შემდეგ გაუწყვიტა, როცა ელ-ღაზიმ ომის დაწყების შემდეგ, პალესტინას მხარი საჯაროდ დაუჭირა. ხელშეკრულება ოფიციალურად 3 ნოემბერს გაწყდა.
Bild-ის ცნობით, ნიდერლანდელმა ფეხბურთელმა მაინცის შრომის სასამართლოში სარჩელი შეიტანა. მოსმენები წელს უნდა დაიწყოს, არაუგვიანეს დეკემბრის დასაწყისში.
პირველ რიგში, ელ-ღაზი მოითხოვს, რომ კლუბმა დაასახელოს კონტრაქტის შეწყვეტის კონკრეტული მიზეზი. ამის შემდეგ კი ასეთი ნაბიჯის კანონიერების საკითხი გადაწყდება.
ვარაუდობენ, რომ ფეხბურთელს გერმანულ კლუბთან კონტრაქტით 2,5 მილიონი ევროს მიღება შეუძლია.
