მამუკელაშვილმა 3 წუთი ითამაშა - სპურსი ზედიზედ მესამედ დამარცხდა
NBA-ს მორიგ ტურში სან ანტონიო ნიუ-იორკ ნიქსს დაუპირისპირდა და 105:126 დამარცხდა. მასპინძლებმა გარდამტეხი უპირატესობა პირველივე მეოთხედში მოიპოვეს, როცა 33:16 მოიგეს.
ამის შემდეგ, „სპურსი“ ძირითადად მდევრის როლში იყო. აღნიშნული დაპირისპირება არც ქართველი გულშემატკივრებისთვის აღმოჩნდა სასიამოვნო.
მთავარმა მწვრთნელმა სანდრო მამუკელაშვილი პარკეტზე მხოლოდ 3 წუთით და 6 წამით შეიყვანა. ამ პერიოდის განმავლობაში ქართველმა კალათბურთელმა მხოლოდ 1 მოხსნა მიითვალა.
შეგახსენებთ, რომ მიმდინარე სეზონი „სან ანტონიომ“ ცუდად დაიწყო. გრეგ პოპოვიჩის გუნდმა 8 მატჩიდან 5 წააგო და მხოლოდ 3 მოიგო. „სპურსი“ ამ შედეგით დასავლეთ კონფერენციაში მე-12 ადგილზე იმყოფება.
Final from New York. Back home on Friday for our City Edition debut and first IST game! @FrostBank | #sponsored pic.twitter.com/qK6OyBYYMP
— San Antonio Spurs (@spurs) November 9, 2023