შერმადინის 11 ქულა - ტენერიფემ ჩემპიონთა ლიგაზე მოიგო
საკალათბურთო ჩემპიონთა ლიგის მესამე ტურში ლენოვო „ტენერიფემ“ „რიგას“ უმასპინძლა და მარტივად 76:55 დაამარცხა. ნაყოფიერი მატჩი ჰქონდა გიორგი შერმადინს, რომელიც, როგორც ყოველთვის ძირითად შემადგენლობაში მოგვევლინა.
ქართველმა კალათბურთელმა პარკეტზე 17 წუთი და 42 წამი დაყო. ამ პერიოდის განმავლობაში მან 11 ქულას, 5 მოხსნას და 1 შედეგიან გადაცემას მოუყარა თავი.
მასპინძელთა მხრიდან საუკეთესო შედეგი ადგილობრივმა ხაიმე ფერნანდესმა დააფიქსირა, რომელმაც პარკეტზე არასრული 26 წუთი გაატარა. ამ პერიოდის განმავლობაში, ესპანელმა 22 ქულას, 2 მოხსნას და 7 პასს მოუყარა თავი.
ცნობისთვის, ვიდორეტას გუნდი ჯგუფს 5 ქულით ლიდერობს. „ტენერიფემ“ 3 მატჩიდან 2 მოიგო და 1 წააგო. შემდეგი ტურში ესპანური გუნდი „დარუსაფაკას“ უმასპინძლებს.
¡El #LenovoTenerife se hace fuerte en casa!
— Lenovo Tenerife (@CB1939Canarias) November 8, 2023
Triunfo de menos a más ante el #VEFRiga
???????? #VamosCanarias #LenovoTenerife #TeToca pic.twitter.com/CIKdAzuRzl
