ტოპ 10 ბრძოლა | UFC-იმ ილია თოფურიას ჩხუბი გამოარჩია
UFC-ის ოფიციალურმა ვებგვერდმა აბუ-დაბიში გამართული ბრძოლებიდან 10 ყველაზე განსაკუთრებული ჩხუბი დაასახელა. ჩვენთვის საინტერესო ისაა, რომ საუკეთესოთა შორის, ილია თოფურიას მონაწილეობით გამართული დაპირისპირებაც მოხვდა, რომელშიც იგი იუსეფ ზალალს შეხვდა.
„ზალალი UFC-ში პირველ წელს ატარებდა, თებერვალში ოსტინ ლინგო დაამარცხა, რასაც ჯორდან გრიფინთან და პიტერ ბარეტთან მოპოვებული გამარჯვებები მიაყოლა. მის ანგარიშზე UFC-ში 3-დან 3 მოგება იყო და ქვემსუბუქი წონითი დივიზიონის პერსპექტიულ მებრძოლად ითვლებოდა. თოფურიამ ზალალთან ჩხუბი ბრძოლამდე 9 დღით ადრე მიიღო, სეუნვუ ჩოი ჩაანაცვლა და UFC-ში სადებიუტო დაპირისპირებას დაუმარცხებელი მებრძოლის სტატუსით შეხვდა.
მიზეზი, რომლის გამოც, ეს ბრძოლა ტოპ 10-ში მოხვდა, ისაა, რომ ორივე მებრძოლის კარიერაში უმნიშვნელოვანესი მომენტი გახლდათ. ზუსტად იმ პერიოდში, როცა ზალალი ჰგავდა მებრძოლს, რომელსაც ტოპ 15-ში შესვლა შეეძლო, მისი სვლა ელ მატადორმა მსაჯების ერთსულოვანი გადაწყვეტილებით შეაჩერა. ილიასთან მარცხის შემდეგ, ზალალმა ზედიზედ 4-ჯერ წააგო და UFC-დან გაუშვეს, თოფურიამ კი დეიმონ ჯექსონი დაანოკაუტა და ნელ-ნელა ქვემსუბუქი წონითი დივიზიონის საჩემპიონო ქამრის მთავარი პრეტენდენტის სტატუსი მოიპოვა. სავარაუდოდ, ის და ვოლკანოვსკი ერთმანეთს 2024 წელს დაუპირისპირდებიან“, - წერს UFC-ის ოფიციალური ვებგვერდი.
რომელი ბრძოლები გამოარჩიეს თოფურიასა და ზალალის ჩხუბის გარდა
დასტინ პორიე VS კონორ მაკრეგორი II
პიოტრ იანი VS კორი სენდჰეგენი
შონ ომალი VS პიოტრ იანი
პოლ ფელდერი VS ედსონ ბარბოსა
პიოტრ იანი VS ჟოზე ალდო
ალექსანდერ ვოლკანოვსკი VS მაქს ჰოლოეუი II
ბრენდონ როივალი VS კაი კარა-ფრანსი
ბრაიან ორტეგა VS კორეელი ზომბი
მაქს ჰოლოეუი VS კელვინ კატარი
