წარმატებული დებიუტი - გურულმა მოლდოველი მეტოქე დაამარცხა

პროფესიულ კრივში ლაშა გურულის დებიუტი წარმატებული გამოდგა. საქართველოს ნაკრების 27 წლის მოკრივემ მოლდოველი ალექსანდრ პარასჩივი ხუთრაუნდიან ბრძოლაში მსაჯების ერთობლივი გადაწყვეტილებით დაამარცხა.

„ჩემპიონების ღამის“ სახელით ცნობილი ღონისძიება საერთაშორისო კრივის ასოციაციის „აი ბი ეის“ ვერსიით მონაკოში ჩატარდა და სხვადასხვა ქვეყნის გამორჩეული სპორტსმენები გამოდიოდნენ.

ლაშა გურული

გურული ჯერჯერობით ერთადერთი ქართველი მოკრივეა, რომელიც პარიზის 2024 წლის ოლიმპიური თამაშების ლიცენზიას ფლობს.