ევროპის ჩემპიონატი - ხეცურიანმა ვერცხლის მედალი აიღო
ირმა ხეცურიანმა კარდიფში მიმდინარე პარაფარიკაობის ევროპის ჩემპიონატზე ვერცხლის მედალი მოიპოვა. ქართველმა სპორტსმენმა ხმლით ასპარეზობაში ფინალამდე წარმატებით იასპარეზა, გადამწყვეტ შეხვედრაში კი იტალიელ ანდრეა მოგოსთან 7:15 დამარცხდა და კონტინენტის ვიცე-ჩემპიონი გახდა.
ცნობისთვის, საქართველოს პარამოფარიკავე ქალთა ნაკრები ევროპის ჩემპიონატზე ასპარეზობას აგრძელებს. ხმლით ფარიკაობაში მედლებისთვის ბრძოლაში ნინა თიბილაშვილი და გვანცა ზადიშვილი ჩაერთვებიან.
11 ოქტომბერს კი საქართველოს ნაკრები გუნდურ შეჯიბრებებში გამოვა და ხმალსა და რაპირაში იასპარეზებს.
რა თქმა უნდა, ხეცურიანის ვერცხლის მედალი საქართველოს ნაკრებისთვის მნიშვნელოვანი შედეგია, თუმცა ქართველ პარამოფარიკავეებს კარდიფში გამოსვლის გაგრძელებისა და მედლების რაოდენობის გაზრდის შესაძლებლობა ჯერ კიდევ აქვთ.
