„საბოლოოდ ორგანიზმი ამდენს ვერ უძლებს“ - ჩავი დატვირთულ გრაფიკზე

ჩავი თვლის, რომ თანამედროვე ფეხბურთში დატვირთვა ძალიან მაღალია, რაც ხშირ ტრავმიანობას იწვევს.

ჩავის პედრის ტრავმის შესახებ ჰკითხეს, ჰქონდათ თუ არა მათ გეგმა ნახევარმცველის კუნთების ტრავმის თავიდან ასაცილებლად.

„ყველას აქვს გეგმა, მაგრამ ეს ელიტური სპორტია და ვხედავთ, რამდენად მოთხოვნადია. თქვენ არ შეგიძლიათ მხოლოდ პედრიზე ფოკუსირება. ტრავმირებულია ვინისიუს ჟუნიორიც, მადრიდის რეალის ორ ფეხბურთელს ჯვარედინი იოგები აქვს გაწყვეტილი, ტრავმებია მანჩესტერ სიტიში, მანჩესტერ იუნაიტედში...

მსოფლიოს ყველა გუნდში და სპორტის ყველა სახეობაშია ტრავმები. განრიგი იმდენად მომთხოვნია, რომ საბოლოოდ ორგანიზმი ამას ვერ უძლებს - და მარცხი ხდება.

როგორც სხვა ფეხბურთელებთან, პედრისთანაც ფრთხილად ვიქნებით, მაგრამ ტრავმები გარდაუვალია. მათზე ძალიან ბევრი საუბარია.

ჩვენ ტრავმების რაოდენობის საგრძნობლად შემცირება მოვახერხეთ, აღფრთოვანებული ვარ ექიმებით და ფიზიოთერაპევტებით. ისინი მშვენივრად მუშაობენ“,

- განაცხადა „ბარსელონას“ მთავარმა მწვრთნელმა.

პედრის მოედანზე დაბრუნებას ოქტომბრის შუა რიცხვებისთვის ელიან. ესპანელ ნახევარმცველს ლა ლიგის მე-2 ტურის შემდეგ აღარ უთამაშია.