არაუხო: ვინისიუსი ერთი-ერთზე თამაშისას საუკეთესოა

რონალდ არაუხომ ვინისიუს ჟუნიორის წინააღმდეგ თამაშზე ისაუბრა.

„როდესაც მწვრთნელი ფლანგზე თამაშს მთხოვს, ამას ვაკეთებ და ყველაფერს ვაკეთებ, მაგრამ პოზიცია, რომელშიც თავს ყველაზე კომფორტულად ვგრძნობ, ცენტრშია. მე მცველი ვარ და ყველამ იცის, სად ვგრძნობ თავს ყველაზე კომფორტულად და ვავლენ 100%-ს, ეს ჩემი ბუნებრივი პოზიციაა.

მე ჩვეულებრივ ვთამაშობ დაცვის ცენტრში, თუ ეს არ არის მატჩი მადრიდის რეალთან ან რომელიმე სხვა კლუბთან, რომელსაც ჰყავს კარგი გარემარბი.

ვინისიუსი, ჩემი აზრით, დღეს ერთი-ერთზე თამაშისას საუკეთესოა და ის ჩვენთვის იმ დუელებს ქმნის, რომლებიც გვეხმარება და ზრდისთვის მნიშვნელოვანია.

ვინისიუსის ასაყვანად თქვენ კონცენტრირებული მთელი თამაშის განმავლობაში უნდა იყოთ, რადგან ის არის ძალიან არაპროგნოზირებადი მოთამაშე, რომელიც ბევრ გარბენს აკეთებს და ტემპს ხშირად იცვლის. მას შეუძლია სიჩქარე 0-დან 100-მდე ძალიან სწრაფად განავითაროს, და თქვენ უნდა იყოთ ძალიან კონცენტრირებული, კარგ ფიზიკურ მდგომარეობაში, რომ მას დაუპირისპირდეთ.

მატჩში არის შვიდი ან რვა სიტუაცია ერთ-ერთზე თამაშისას და ზოგჯერ ამას კარგად ვართმევ თავს“,

- განაცხადა ურუგვაელმა მცველმა.