შენგელიას 6 ქულა - ვირტუს ბოლონიამ ბრინდისს 104 ქულა ჩაუგდო
იტალიის საკალათბურთო ჩემპიონატის პლეი-ოფში(მეოთხედფინალში) „ვირტუს ბოლონიამ“ „ბრინდისს“ უმასპინძლა და დიდი ანგარიშით 104:68 დაამარცხა.
ძირითად შემადგენლობაში მოგვევლინა თორნიკე შენგელია, რომელსაც შეიძლება ითქვას, რომ სუსტი მატჩი ჰქონდა.
ქართველმა კალათბურთელმა პარკეტზე 16 წუთი გაატარა. ამ დროის განმავლობაში საქართველოს ნაკრების კაპიტანმა 6 ქულა, 4 მოხსნა და 3 შედეგიანი გადაცემა მიითვალა.
თორნიკემ ოთხჯერ ისროლა 2-ქულიანი, საიდანაც 3 ზუსტი აღმოჩნდა. 4 მოხსნიდან შენგელიამ ოთხივე საკუთარ ფარზე შეასრულა.
ცნობისთვის, „ვირტუს ბოლონიას“ და „ბრინდისის“ მეორე დაპირისპირება 15 მაისით თარიღდება და თბილისის დროით 22:30-დან დაიწყება.
VITTORIA ⚪️⚫️
— Virtus Segafredo Bologna (@VirtusSegafredo) May 13, 2023
La Segafredo con un avvio dirompente e un primo tempo da 64 punti segnati porta a casa Gara1 ????????????
???? Cordinier 15, Ojeleye 14, Teodosic 12, Mickey 10#AmoreInfinito #LBA #TuttoUnAltroSport pic.twitter.com/nDtQj9sqfU