მიქაუტაძეს ლიგა 2-ის თვის საუკეთესო მოთამაშის პრიზი გადასცეს
რამდენიმე დღის წინ, UNFP-ის (პროფესიონალ ფეხბურთელთა გაერთიანება საფრანგეთში) გამოკითხვაში საფრანგეთის ლიგა 2-ის მარტის თვის საუკეთესო ფეხბურთელად გიორგი მიქაუტაძე დასახელდა. დღეს კი ქართველ ფორვარდს პრიზი ოფიციალურად გადაეცა.
UNFP-ის ვიცე-პრეზიდენტმა დევიდ ტერიერმა მიქაუტაძეს ლიგა 2-ის 32-ე ტურის მატჩის დაწყებამდე კუთვნილი ჯილდო გადასცა.
#FCMPFC [ ℙ???????? ]
— FC Metz ☨ (@FCMetz) April 29, 2023
???? Auteur du but égalisateur, @MikautadzeG a été récompensé de son titre de ???????????????????????? ???????? ???????????????? ???????? ???????????????? @UNFP ???? pic.twitter.com/0dreegDWvg
ჯილდოს გამოკითხვაში ხმა ლიგა 2-ის გუნდები მწვრთნელებმა, კაპიტნებმა და ქომაგებმა მისცეს.
როგორც მოგეხსენებათ, მიქაუტაძემ მარტში 3 გოლის გატანა შეძლო და 2 საგოლე გადაცემა შეასრულა. გიორგისთვის ეს წელს მეორე ჯილდოა. თვის მოთამაშედ ის პირველად აგვისტოში დაასახელეს.
მიქაუტაძის ანგარიშზე ლიგა 2-ში 20 გოლი და 7 საგოლე გადაცემაა. ის ბომბარდირთა დავას ერთპიროვნულად ლიდერობს.
შეგახსენებთ, რომ ლიგა 2-ს „ლე ავრი“ 68 ქულით ლიდერობს, ზურიკო დავითაშვილის „ბორდოს“ ანგარიშზე 62 ქულაა, მესამე პოზიციას 59 ქულით „მეცი“ იკავებს. ელიტაში საუკეთესო 2 გუნდი აღზევდება. 34-ე ტურში „ბორდო“ „კაენს“ მიიღებს (6 მაისი), „მეცი“ „ნიორს“ ესტუმრება (6 მაისი).
