ჯოკოვიჩის სენსაციური მარცხი | 70-ე ჩოგანთან წააგო
მსოფლიოს პირველი ჩოგანი, ნოვაკ ჯოკოვიჩია ბოსნია და ჰერცეგოვინის ქალაქ ბანია ლუკაში მიმდინარე ტურნირს გამოეთიშა. „ნოლე“ 70-ე ნომერთან, დუშან ლაიოვიჩთან დამარცხდა და თანამემამულესთან ორ სეტში წააგო.
პირველი სეტი ლაიოვიჩის უპირატესობით დაიწყო და მან 4-დან 3 გეიმი აიღო. 3:4-ზე, ჯოკოვიჩმა ბრეიკპოინტი გამოიყენა და წონოსწორობა აღადგინა, თუმცა, საკუთარი ჩაწოდება დათმო და პირველი პარტია ლაიოვიჩის სასარგებლოდ დასრულდა - 6:4.
მეორე სეტი ბევრად დაძაბული გამოდგა. ჩოგბურთელები თავიანთ ჩაწოდებაზე კარგად გამოიყურებოდნენ და საბოლოოდ, პარტიის გამარჯვებულის გამოსავლენად ტაიბრეიკი დაინიშნა. ჯოკოვიჩი ტაიბრეიკს 6:3-ს იგებდა და სამმაგი სეტ-პოინტი ჰქონდა, მაგრამ ზედიზედ 5 გათამაშება დათმო და ტურნირს გამოეთიშა.
A story to tell for a lifetime ????
— Tennis TV (@TennisTV) April 21, 2023
The moment @Dutzee defeated World No.1 Novak Djokovic in Banja Luka. #SrpskaOpen pic.twitter.com/7F13gC5jHk
ცნობისთვის, ჯოკოვიჩი პირველ ნომრად იყო განთესილი და მერვედფინალში ფრანგი ვან აშშე დაამარცხა. ლაიოვიჩს რაც შეეხება, მისი სავარაუდო მეტოქე მიომირ კეჩმანოვიჩი ან ირჟი ლეჰეჩკა იქნება.
