ბითაძეს სათამაშო დრო გაუზარდეს - ორლანდომ ვაშინგტონს მოუგო
გამთენიისას NBA-ში მორიგი შეხვედრები გაიმართა. გოგა ბითაძის „ორლანდომ“ „ვაშინგტონს“ სტუმრად 116:109 მოუგო.
გოგა თადარიგში იყო, თუმცა საკმაოდ დიდი სათამაშო დრო მიიღო - 21:40 წუთი. მისი მონაგარი 2 ქულა, 3 მოხსნა. 3 გადაცემა, 2 დაფარება და 1 ჩაჭრა იყო. ბითაძემ 1 არაზუსტი სამიანი ისროლა, 3 ორქულიანიდან კი ერთი ზუსტად ჩააგდო. მარგი ქმედების კოეფიციენტი 8 ჰქონდა.
GOGA pic.twitter.com/tmYdvgNqJK
— Orlando Magic (@OrlandoMagic) April 1, 2023
შეხვედრაში საუკეთესო „ორლანდოს“ ფორვარდი პაოლო ბანკერო იყო, რომელმაც 30 ქულა, 12 მოხსნა და 6 პასი მიითვალა.
გოგას „ორლანდო“ აღმოსავლეთ კონფერენციაში 33 მოგებითა და 44 მარცხით მე-13 ადგილს იკავებს. მომდევნო შეხვედრას 3 აპრილს „დეტროიტთან“ გამართავენ.
შეგახსენებთ, რომ დღეს დილით სანდრო მამუკელაშვილის „სან ანტონიომ“ „გოლდენ სტეიტთან“ 115:130 წააგო. მამუმ 29 წუთ ითამაშა და ორმაგი დუბლი შეასრულა - 13 ქულა, 11 მოხსნა, 4 გადაცემა.
