დღე ოქროს გარეშე - სარდალაშვილი გრანდ სლემის ვიცე-ჩემპიონია

თბილისის გრანდ სლემის პირველ დღეს 60 კგ. წონით კატეგორიაში 19 წლის გიორგი სარდალაშვილი ფინალში გავიდა. სადაც აზერბაიჯანელ თურან ბაირამოვთან ვაზარით დამარცხდა.

შეგახსენებთ, სარდალაშვილმა 1/4-ფინალში ყაზახი შამშადინი ორი ვაზარით დაამარცხა, ნახევარფინალში კი უკრაინელ დილშოტ ხალმატოვს დამატებით დროში ვაზარით აჯობა.

66 კგ. წონით კატეგორიაში პირველმა ნომერმა ვაჟა მარგველაშვილმა ტურნირის საწყისი ორი შეხვედრა მოიგო, 1/4-ფინალში ყაზახი ყირგიზბაევს შიდოებით სძლია და 1/2-ფინალში ყირგიზ აიბეკ ულუსთან ვაზარით დამარცხდა. მარგველაშვილი ბრინჯაოს მედლისთვის იბრძოლებს.

66 კგ. წონითი კატეგორიის 1/4-ფინალურ სტადიაზე გიორგი თუთაშვილი ყირგიზ აიბეკ ულუსთან ვაზარით დამარცხდა, ასპარეზობა რეპეშაჟში გააგრძელა, თუმცა ყაზახ ყირგიზბაევთან დაპირისპირება დათმო და ტურნირი მე-7 ადგილზე დაასრულა.

თბილისის გრანდ სლემის პირველი დღე ქართველი ქალი ძიუდოისტებისთვის წარუმატებელი გამოდგა, ყველა მათგანი ტურნირს ადრეულ ეტაპზე დაემშვიდობა.