მე-10 მარცხი - ტოჩინოშინის წარუმატებელი სერია გრძელდება
სუმოში, მეორე დივიზიონ ჯურიოში ტოჩინოშინმა ზედიზედ მე-6 დაპირისპირება დათმო.
ჰარუ ბაშოზე, მე-13 საშეჯიბრო დღეს ტოჩინოშინი ჯურიოს დივიზიონის მეშვიდე ნომერს, შიმაზუუმის შეხვდა. მეტოქემ ქართველი სპორტსმენი დოჰიოდან იორიკირის ილეთით გადაიყვანა.
ლევანმა, რომელსაც ხელის ტრავმა აწუხებს, მარტის ტურნირზე 10 შეხვედრა დათმო და მხოლოდ სამ შეხვედრაში გაიმარჯვა. ამ შედეგების გათვალისწინებით ქართველს რეიტინგში დაქვეითება გარანტირებული აქვს. სავარაუდოდ, მინიმუმ 5 საფეხურით დაქვეითდება.
ტოჩინოშინის ხვალინდელი მეტოქე ჯურიოს მე-14 ნომერი ტოკუშორიუ იქნება.
