პირადი რეკორდი - მამუკელაშვილის 14 მოხსნა და კარგი მატჩი NBA-ში
გამთენიისას NBA-ში მორიგი ტურის შეხვედრები გაიმართა, რომელთაგან ჩვენს ინტერესს სანდრო მამუკელაშვილის „სან ანტონიოსა“ და „მემფისის“ დაპირისპირება იწვევდა, რომელიც საკმაოდ დაძაბული გამოდგა და გამარჯვებულის გამოსავლენად ოვერტაიმი გახდა საჭირო. საბოლოოდ „მემფისმა“ შეხვედრა 126:120 მოიგო.
That's a wrap from the @attcenter! Back here on Sunday #PorVida | @FrostBank | #ad pic.twitter.com/HU5E62zHC7
— San Antonio Spurs (@spurs) March 18, 2023
მორიგი ნაყოფიები წუთები ჰქონდა მამუკელაშვილს, რომელმაც ჯამში 22:45 წუთი ითამაშა. მისი მონაგარი 6 ქულა, 14 მოხსნა, 2 პასი და 1 ჩაჭრა იყო. სანდრომ 5-დან 2 ორქულიანი ჩააგდო, 4-დან 2 საჯარიმო და 1 არაზუსტი სამიანიც ისროლა.
რაც შეეხება სანდროს 14 მოხსნას, ეს მის კარიერაში (NBA) უმაღლესი შედეგი და პირადი რეკორდია. აქამდე მას 13 მოხსნა (კლივლენდთან) „მილუოკიში“ ყოფნისას ჰქონდა.
Mamu gettin' crafty ???? pic.twitter.com/Q5yP6fHvHu
— San Antonio Spurs (@spurs) March 18, 2023
რაც შეეხება უშუალოდ შეხვედრას, „სან ანტონიომ“ ხელიდან კარგი შანსი გაუშვა. ბოლო მეოთხედის დასრულებამდე ორწუთნახევრით ადრე, „სფურსი“ 106:96-ს იგებდა. სანდრომ პარკეტი სირენამდე 2:05 წუთით ადრე დატოვა. ამ დროს მისი გუნდი 8 ქულით იგებდა. საბოლოოდ პოპოვიჩის ბიჭებმა უპირატესობა ვერ შეინარჩუნეს და ძირითადი დრო 109:109 დასრულდა.
დამატებით დროში მამუკელაშვილი მოედანზე არ გამოჩენილა. მისმა გუნდმა კი ოვერტაიმი 11:17 დათმო.
„სან ანტონიო“ მორიგ შეხვედრას 19 მარტს საკუთარ კედლებში „ატლანტა ჰოუკსის“ წინააღმდეგ გამართავს.
