პოზნანის ლეხი VS ფიორენტინა - კონფერენს ლიგის 1/4-ფინალის წილისყრა
UEFA-ს კონფერენს ლიგის 1/4-ფინალური ეტაპის წილისყრა გაიმართა. ნიკა კვეკვესკირისა და გიორგი წიტაიშვილის პოზნანის „ლეხი“ ფლორენციის „ფიორენტინას“ დაუპირისპირდება.
პოზნანის ლეხი - ფიორენტინა
გენტი - ვესტ ჰემი
ანდერლეხტი - ალკმაარი
ბაზელი - ნიცა
პირველი მატჩები 13 აპრილს გაიმართება, საპასუხო შეხვედრები - 20 აპრილს.
პოლონეთის მოქმედი ჩემპიონი „ფიორენტინას“ ძლევის შემთხვევაში „ბაზელსა“ და „ნიცას“ შორის მოგებულს შეხვდება. შესაბამისად, „გენტისა“ და „ვესტ ჰემის“ დაპირისპირებაში საუკეთესო „ანდერლეხტი“ - „ალკმაარს“ შორის გამარჯვებულს დაუპირისპირდება.
ნახევარფინალური ეტაპის პირველი შეხვედრები 11 მაისს გაიმართება, საპასუხო დაპირისპირება - 18 მაისს.
UEFA-ს კონფერენს ლიგის 2022-23 წლების სეზონის ფინალი 7 ივნისს, პრაღაში, „ფორტუნა არენაზე“ შედგება.
