ბითაძე გუნდში ყველაზე სასარგებლო იყო - ორლანდო ფინიქსთან დამარცხდა
გამთენიისას NBA-ს მორიგი ტურის შეხვედრები გაიმართა. გოგა ბითაძის „ორლანდო“ „ფინიქს სანსს“ ესტუმრა და 113:116 დამარცხდა.
გოგამ შეხვედრაში 8 წუთი ითამაშა, ამ დროში მან 2 ქულა, 5 მოხსნა, 2 დაფარება და 1 პასი ჩაიწერა აქტივში. ბითაძის პარკეტზე ყოფნისას „ორლანდო“ +9 დაწინაურდა. ეს კი სტუმართა გუნდში საუკეთესო მაჩვენებელი იყო.
GOGA pic.twitter.com/0Mf9SmjGJP
— Orlando Magic (@OrlandoMagic) March 17, 2023
შეხვედრაში ყველაზე მეტი „ორლანდოელი“ ფულცი იყო - 25 ქულა, 9 მოხსნა, 7 გადაცემა.
შეხვედრა დაძაბული გამოდგა. პირველი სამი მეოთხედი მასპინძლებმა მინიმალური სხვაობებით მოიგეს, თუმცა დასკვნით მეოთხედში სტუმრებმა 28:22 მოიგეს და შეხვედრას დაძაბული ფინალი ჰქონდა.
70 მატჩის შემდეგ, „ორლანდოს“ 28 მოგება აქვს და აღმოსავლეთ კონფერენციაში მე-13 პოზიციას იკავებს. ბითაძის გუნდს მომდევნო შეხვედრა კვლავ სტუმრად ელის. 18 მარტს „კლიპერსის“ წინააღმდეგ.
Goga ???? Franz https://t.co/4iz9Z9nLvm pic.twitter.com/WIqXMT5E52
— Orlando Magic (@OrlandoMagic) March 17, 2023