ორლანდო: „ნაპოლი კვარაცხელიას ტრანსფერზე უარს ამბობს, ეს სწორია“
„ფიორენტინას“ ყოფილმა ფეხბურთელმა მასიმო ორლანდომ TMW Radio-ს გადაცემა Piazza Affari-ში სტუმრობისას ხვიჩა კვარაცხელიას შესახებ ისაუბრა.
მასიმო ორლანდო: „ვფიქრობ, „ნაპოლი“ სწორად მოქმედებს, როცა კვარაცხელიას ტრანსფერზე უარს ამბობს. თუ „ნაპოლი“ რეალურ წინადადებას მიიღებს, ასეთ შემთხვევაშიც კი სწორია უარის თქმა. ვფიქრობ, ოსიმენის შენარჩუნება უფრო რთული იქნება. ნებისმიერი გუნდისთვის ორივე მათგანის გადაბირება პრობლემას წარმოადგენს“.
კარლო ანჩელოტის ყოფილმა ასისტენტმა ჯორჯო ჩიაზკინიმ იტალიურ 1 Station Radio-სთან ინტერვიუში ლუჩანო სპალეტის გუნდზე ისაუბრა.
ჯორჯო კასჩინი: „ენთუზიაზმი და ცოდნა „ნაპოლის“ თავდაჯერებას სძენს. ჩვენ ვსაუბრობთ გუნდზე, რომელიც იტალიაში ტექნიკის თვალსაზრისით ერთ-ერთი საუკეთესოა. ჩემპიონთა ლიგაზე „ნაპოლის“ თამაში ნებისმიერ გუნდთან შეუძლია.
„პარტენოპეის“ ნამდვილად ძლიერი გუნდი ჰყავს, რომელსაც იტალიასა და ევროპაში კონკურენციის უნარი აქვს. სპალეტის იმის დაპყრობას ვუსურვებ, რაც წარსულში ვერ შეძლო“.
ცნობისთვის, სერია A-ს მიმდინარე სეზონში, „კვარას“ ანგარიშზე 9 გოლი და ამდენივე საგოლე გადაცემაა. იგი ევროპის ტოპ 5 ჩემპიონატის ერთადერთი დებიუტანტია, რომელსაც ეს სტატისტიკა აქვს გაფორმებული. ყველა ტურნირის ეგიდით, მან 23 მატჩში ითამაშა და 11 გოლი და 12 საგოლე გადაცემა მიითვალა.
