რეალის სატრანსფერო გეგმები ცნობილია - ბელინგემი და სხვები

მადრიდის „რეალი“ ზაფხულის სატრანსფერო ფანჯრისას ჯუდ ბელინგემის შეძენას შეეცდება და ამისთვის ყველაფერს გააკეთებს. ინფორმაციას Relovo ავრცელებს.

წყაროს ცნობით, მადრიდელთათვის ბელინგემი ნომერ პირველი სამიზნე იქნება, ისევე როგორც წინა წელს კილიან მბაპე. „სამეფო კლუბი“ ზაფხულის სატრანსფერო ფანჯრისას ვარსკვლავური სტატუსის მხოლოდ ერთ მოთამაშეს შეიძენს და ეს ბელინგემი იქნება.

„რეალი“ ოპტიმისტურად არის განწყობილი და თვლის, რომ მათ ბელინგემის შეძენა შეუძლიათ. მადრიდელები ყველა შესაძლო რესურსს დახარჯავენ, რათა ინგლისელი შეიძინონ. როგორც მოსალოდნელი იყო, ამ ზაფხულს „სამეფო კლუბში“ სხვა ვარსკვლავური სტატუსის მქონე ახალწვეული არ იქნება.

კლუბს მარკო ასენსიოსთან კონტრაქტის გახანგრძლივება სურს. კარიმ ბენზემასთან ხელშეკრულება ავტომატურად გაგრძელდა მას შემდეგ, რაც მან ოქროს ბურთი მოიგო. ედენ აზარი კი, სავარაუდოდ, ზაფხულში გუნდს დატოვებს.

თუ ასენსიო დარჩება, მაშინ „რეალს“ შეტევაში მისი იმედი ექნება, ისევე როგორც ბენზემას, ვინისიუსს და როდრიგოს. შესაძლოა კლუბმა ასევე განიხილოს ბრაჰიმ დიასის დაბრუნება, რომელიც „მილანში" იჯარით თამაშობს. გარდა ამისა „ბლანკოსი“ აკვირდება „სოსიედადში“ ტაკეფუსა კუბოს თამაშს. ისინი ფეხბურთელის კონტრაქტის 50%-ს ფლობენ.

„რეალი" სამომავლო გეგმებს აყალიბებს, როდესაც 2024 წელს კლუბს ახალი ბრაზილიელი ტალანტი ენდრიკი შეუერთდება.