„გაუჩერებლად ლაპარაკობდა, ახლა კი აღარ მპასუხობს“ - ევლოევმა ილიაზე ისაუბრა
UFC-ის რუსმა მებრძოლმა, მოვსარ ევლოევმა ილია თოფურიაზე ისაუბრა. ევლოევმა არ დამალა, რომ „ელ მატადორთან“ ჩხუბი სურს, თუმცა დასძინა, რომ თოფურია, რომელიც აქამდე მასზე ბევრს ლაპარაკობდა, ბოლო პერიოდში აღარსად ჩანს.
„სიმართლე რომ ვთქვა, თოფურია ჩემი ერთ-ერთი სამიზნეა. მადლობა ღმერთს, რომ რეიტინგში წინ წაიწია, რადგან ახლა მასთან ბრძოლას აზრი ექნება. ილიას ჩემს ბოლო ორ გამოწვევაზე რეაქცია არ ჰქონია, რეიტინგში აღზევებამდე კი ჩემზე გაუჩერებლად ლაპარაკობდა. თოფურია არსად წავა და მის გარდა, სხვა ღირსეული მეტოქეებიც არიან“.
ევლოევის სიტყვების შემდეგ, ღონისძიების წამყვანმა რუსს ურჩია, ესპანურად ან ქართულად წეროს, რათა ილიასგან პასუხი სწრაფად მიიღოს, რაზეც მოვსარმა განაცხადა: „ალბათ, ესპანური უნდა ავირჩიო“.
შეგახსენებთ, რომ ევლოევსა და თოფურიას შორის დაძაბული ურთიერთობაა. მათ რამდენიმე თვის წინ უნდა ეჩხუბათ, მაგრამ რუსმა მებრძოლმა ოქტაგონზე გასვლაზე უარი კორონავირუსის გამო თქვა, რის შემდეგაც იყო დაპირისპირება სოციალურ ქსელებში და რამდენიმე შეურაცხმყოფელი პოსტი.
