GDS: ნაპოლი ხვიჩასთან ახალ კონტრაქტზე მუშაობს - ხელფასი გაორმაგდება

„ნაპოლის“ ხვიჩა კვარაცხელიასთან კონტრაქტის გახანგრძლივება სურს.

იტალიური კლუბის სპორტული დირექტორი კრიშტიანო ჯუნტოლი და ხვიჩას აგენტი მამუკა ჯუღელი შეხვედრას იანვარში ან ცოტა მოგვიანებით გეგმავენ.

Gazzetta dello Sport-ის ცნობით, ნეაპოლელები ქართველი ფეხბურთელისთვის ხელფასის გაორმაგებას აპირებენ. ამჟამად „კვარას“ ანაზღაურება წელიწადში 1,2 მილიონი ევროა.

ახალი ხელშეკრულება, სავარაუდოდ, 2028 წლამდე იქნება გათვლილი. ამჟამინდელ ხელშეკრულებას ვადა 2027 წლამდე აქვს.

მოსალოდნელია, რომ კვარაცხელიას სეზონის ბოლოს მსურველთა რიგი დაუდგება და „ნაპოლი“ თადარიგის დაჭერას გეგმავს, რათა თავისი ლიდერის შენარჩუნება შეძლოს. ხოლო, თუ გაყიდვა გადაწყვიტეს, ამ შემთხვევაშიც ხვიჩას სანაცვლოდ სოლიდურ თანხას მიიღებენ.

შეგახსენებთ, რომ ამჟამად ლუჩანო სპალეტის გუნდი დეკემბრის ამხანაგურ მატჩებს მართავს. „ნაპოლიმ“ გუშინ მეოთხე შეხვედრა ჩაატარა და შინ მოულოდნელად „ლილთან“ 1:4 დამარცხდა.