ბაციაშვილის ბრწყინვალე ასპარეზობა - ქართველი მოჭადრაკე სერბეთის ჩემპიონია
საქართველოს ქალ მოჭადრაკეთა ნაკრების წევრმა, ნინო ბაციაშვილმა სერბეთში დასრულებულ ქვეყნის საკლუბო ჩემპიონატზე ბრწყინვალედ იასპარეზა.
ნინო, ყველაზე ძლიერ პირველ დაფაზე ასპარეზობდა და არაჩვეულებრივი შედეგი აჩვენა . ბაციაშვილმა 11 შეხვედრა გამართა, საიდანაც 10 პარტია მოიგო და მხოლოდ ერთი დაასრულა ყაიმით.
ამასთანავე ქართველმა მოჭადრაკემ საკუთარ რეიტინგს 22 ქულა შემატა და თავისი გუნდის გაჩემპიონებაში დიდი წვლილი შეიტანა.
შეგახსენებთ,რომ ქართველი მოჭადრაკე ბელგრადის რადის ღირსებას იცავდა. ბაციაშვილის თანაგუნდელები კი სერბები მარია მანაკოვა, სტეფანა მილუტინოვიჩი, ტეოდორა რაკიჩი და რუმინელი ირინა ბულმაგა იყვნენ.
Ceremonija zatvaranja♟️
— Serbia Chess Federation (@serbiachess1) November 1, 2022
Prva Liga Srbije 2022, Stara Planina
1. RAD BEOGRAD
2. DŠK OSNOVAC NIŠ
3. CEVENA ZVEZDA BEOGRAD
Statiska: https://t.co/rUEBjgDJqz
Čestitamo! ???? pic.twitter.com/8TKpRm49Ri
